தூக்க மாத்திரைகளால்
கைவிடப்பட்ட
இரவு
மிக நீண்டதாய்
இருக்கிறது
விட்டு விட்டு
மிணுக்கும்
இந்த விளக்கு
அசௌகரியத்தோடு கண்களை
பிடுங்குகிறது
உறங்குகிறவர்கள்
மிக அழகாக ஆசீர்வதிக்கப்பட்டிருக்கிறார்கள்
கைவிரல்களோடு
பேசிக்கொண்டிருக்கிறேன்
கடிகார சத்தத்தில்
திடுக்கிட்டு
காலத்தின் இருப்பை
பிரக்ஞையுருகிறேன்
தீரா கோவத்தினை
தலையணையை கீறி கீறி
ஆற்றுப்படுத்துகிறேன்
இழந்துவிட்டவைகளை
நினைந்து நினைந்து
அழுகிறேன்
அழுகுரல் சப்தத்தில்
எழுந்துவிடுகிறது இரவு
என்னிடமிருந்து நழுவுமிந்த
காலத்திடம்
கையிற்றை இழுத்துப்பிடித்து நிற்கிறேன்
என் மரணத்தை கையளிக்காமல்
எங்கு செல்வாய்
என வழக்கு நடத்துகிறேன்
என்னிடம் பூக்கள் நீட்டும் விடியலிடம்
முகம் கொடுக்காமல்
கிழிந்த என் ஆடை இழுத்து
குறி மறைக்கிறேன்
வலிகளால் நிரம்பிய
என் வாழ்வை
இழுத்துத்திரிகிறேன்
வாதையுடன் எழுகிறது
என் சூரியன்
தூக்க மாத்திரைகளாலும்
கைவிடப்பட்டவர்கள்
துர்பாக்கியசாலிகள்
கைவிடப்பட்ட
இரவு
மிக நீண்டதாய்
இருக்கிறது
விட்டு விட்டு
மிணுக்கும்
இந்த விளக்கு
அசௌகரியத்தோடு கண்களை
பிடுங்குகிறது
உறங்குகிறவர்கள்
மிக அழகாக ஆசீர்வதிக்கப்பட்டிருக்கிறார்கள்
கைவிரல்களோடு
பேசிக்கொண்டிருக்கிறேன்
கடிகார சத்தத்தில்
திடுக்கிட்டு
காலத்தின் இருப்பை
பிரக்ஞையுருகிறேன்
தீரா கோவத்தினை
தலையணையை கீறி கீறி
ஆற்றுப்படுத்துகிறேன்
இழந்துவிட்டவைகளை
நினைந்து நினைந்து
அழுகிறேன்
அழுகுரல் சப்தத்தில்
எழுந்துவிடுகிறது இரவு
என்னிடமிருந்து நழுவுமிந்த
காலத்திடம்
கையிற்றை இழுத்துப்பிடித்து நிற்கிறேன்
என் மரணத்தை கையளிக்காமல்
எங்கு செல்வாய்
என வழக்கு நடத்துகிறேன்
என்னிடம் பூக்கள் நீட்டும் விடியலிடம்
முகம் கொடுக்காமல்
கிழிந்த என் ஆடை இழுத்து
குறி மறைக்கிறேன்
வலிகளால் நிரம்பிய
என் வாழ்வை
இழுத்துத்திரிகிறேன்
வாதையுடன் எழுகிறது
என் சூரியன்
தூக்க மாத்திரைகளாலும்
கைவிடப்பட்டவர்கள்
துர்பாக்கியசாலிகள்
No comments:
Post a Comment